4

വ​ഴി​തെ​റ്റി​യ ഒ​രു യാ​ത്ര​യാ​യി​രു​ന്നു അ​ത്. 1492ല്‍ ​ക്രി​സ്റ്റ​ഫ​ര്‍ കൊ​ളം​ബ​സ് എ​ന്ന ഇ​റ്റാ​ലി​യ​ന്‍ നാ​വി​ക​ന്‍ സ്‌​പെ​യി​നു​വേ​ണ്ടി ക​പ്പ​ല്‍​യാ​ത്ര ന​ട​ത്തി​യ​ത് ഇ​ന്ത്യ​യി​ലേ​ക്കും കി​ഴ​ക്ക​ന്‍ ഏ​ഷ്യ​യി​ലേ​ക്കും പു​തി​യ ക​ട​ല്‍​മാ​ര്‍​ഗം ക​ണ്ടെ​ത്താ​നാ​യി​രു​ന്നു. അ​ക്കാ​ല​ത്ത് യൂ​റോ​പ്പി​ല്‍​നി​ന്ന് ഇ​ന്ത്യ​യി​ലേ​ക്കു​ള്ള ക​ര​മാ​ര്‍​ഗം ദൈ​ര്‍​ഘ്യ​മേ​റി​യ​തും അ​പ​ക​ട​ക​ര​വു​മാ​യി​രു​ന്നു. സു​ഗ​ന്ധ​വ്യ​ഞ്ജ​ന​ങ്ങ​ളും പ​ട്ടു​പോ​ലു​ള്ള വി​ല​യേ​റി​യ വ​സ്തു​ക്ക​ളും നേ​രി​ട്ട് വ്യാ​പാ​രം ചെ​യ്യാ​നു​ള്ള എ​ളു​പ്പ​വ​ഴി​ക​ള്‍ അ​വ​ര്‍ തെ​ര​ഞ്ഞു. ഇ​ന്ത്യ​യി​ലേ​ക്കു​ള്ള ക​ട​ല്‍​യാ​ത്ര​യി​ല്‍ കൊ​ളം​ബ​സ് എ​ത്തി​യ​ത് വ​ട​ക്കേ അ​മേ​രി​ക്ക​യു​ടെ അ​ടു​ത്തു​ള്ള ബ​ഹാ​മാ​സി​ലാ​ണ്. താ​ന്‍ ഏ​ഷ്യ​യി​ലെ ഇ​ന്‍​ഡീ​സ് പ്ര​ദേ​ശ​ത്താ​ണെ​ന്ന് അ​ദ്ദേ​ഹം ക​രു​തി; അ​വി​ട​ത്തെ ത​ദ്ദേ​ശീ​യ​രെ ‘ഇ​ന്ത്യ​ന്‍​സ്’ എ​ന്നു വി​ളി​ച്ചു.

യുഎസ്എ

അ​ടു​ത്ത ഊ​ഴം 1497ല്‍ ​ഇ​റ്റാ​ലി​യ​ന്‍ നാ​വി​ക​നാ​യ ജോ​ണ്‍ ക​ബോ​ട്ടി​ന്‍റേ​ത്. ഇം​ഗ്ല​ണ്ടി​ന്‍റെ രാ​ജാ​വി​ന്‍റെ അ​നു​മ​തി​യോ​ടെ അ​റ്റ്‌​ലാ​ന്‍റി​ക് ക​ട​ന്ന് വ​ട​ക്കേ അ​മേ​രി​ക്ക​യു​ടെ വ​ട​ക്ക​ന്‍ ഭാ​ഗ​ത്തു​ള്ള ന്യൂ​ഫൗ​ണ്ട് ലാ​ന്‍​ഡി​ല്‍ എ​ത്തി. തു​ട​ര്‍​ന്ന് ഇം​ഗ്ലീ​ഷ് മ​ത്സ്യ​ത്തൊ​ഴി​ലാ​ളി​ക​ളും വ്യാ​പാ​രി​ക​ളും വ​ന്നു​തു​ട​ങ്ങി. ഒ​രു നൂ​റ്റാ​ണ്ടി​നു​ള്ളി​ല്‍ ജ​യിം​സ് ടൗ​ണ്‍, പ്ലൈ​മൗ​ത്ത് തു​ട​ങ്ങി​യ സ്ഥി​രം കോ​ള​നി​ക​ള്‍ സ്ഥാ​പി​ച്ചു. അ​ങ്ങ​നെ 13 ബ്രി​ട്ടീ​ഷ് കോ​ള​നി​ക​ള്‍ രൂ​പം​കൊ​ണ്ടു.

ബ്രി​ട്ട​നും ഫ്രാ​ന്‍​സും അ​ധി​നി​വേ​ശ ഭൂ​മി​യു​ടെ അ​വ​കാ​ശ​ത്തി​ന് യു​ദ്ധം ചെ​യ്തു. ബ്രി​ട്ട​ന്‍ ജ​യി​ക്കു​ക​യും യു​ദ്ധ​ച്ചെ​ല​വി​നു നി​കു​തി ഏ​ര്‍​പ്പെ​ടു​ത്തു​ക​യും ചെ​യ്തു. ഇ​തി​നെ​തി​രേ പ്ര​തി​ഷേ​ധം പൊ​ട്ടി​പ്പു​റ​പ്പെ​ട്ടു. ഇ​തി​ല്‍ ഏ​റ്റ​വും പ്ര​ധാ​ന​പ്പെ​ട്ട​താ​ണ് ബോ​സ്റ്റ​ണ്‍ ടീ ​പാ​ര്‍​ട്ടി പ്ര​ക്ഷോ​ഭം. കോ​ള​നി​യി​ല്‍ ടീ ​ആ​ക്ട് ന​ട​പ്പാ​ക്കി​യ​തി​നെ​തി​രേ ബ്രി​ട്ടീ​ഷ് ഈ​സ്റ്റ് ഇ​ന്ത്യ ക​മ്പ​നി​യു​ടെ മൂ​ന്നു ക​പ്പ​ലു​ക​ളി​ലു​ണ്ടാ​യി​രു​ന്ന തേ​യി​ല​പ്പെ​ട്ടി​ക​ള്‍ പ്ര​ക്ഷോ​ഭ​കാ​രി​ക​ള്‍ ക​ട​ലി​ലെ​റി​ഞ്ഞു. ഇ​ത് കോ​ള​നി​വാ​സി​ക​ളു​ടെ സ്വാ​ത​ന്ത്ര്യ സ​മ​ര​ത്തെ ആ​ളി​ക്ക​ത്തി​ച്ചു. 1776 ജൂ​ലൈ നാ​ലി​ന് 13 കോ​ള​നി​ക​ള്‍ ബ്രി​ട്ട​നി​ല്‍​നി​ന്ന് സ്വാ​ത​ന്ത്ര്യം പ്ര​ഖ്യാ​പി​ച്ചു. ഇ​താ​ണ് പി​ന്നീ​ട് യു​ണൈ​റ്റ​ഡ് സ്റ്റേ​റ്റ്‌​സ് ഓ​ഫ് അ​മേ​രി​ക്ക ആ​യ​ത്. യു​എ​സ്എ എ​ന്ന പു​തി​യൊ​രു രാ​ജ്യ​ത്തി​ന്‍റെ പ്ര​യാ​ണം ഇ​വി​ടെ തു​ട​ങ്ങി. അ​തി​ന്‍റെ 250-ാം വാ​ര്‍​ഷി​ക​മാ​ണ് ആ​ഘോ​ഷി​ക്കു​ന്ന​ത്.

പുതിയൊരു ദർശനം

1787ല്‍ ​അ​മേ​രി​ക്ക​ന്‍ ഭ​ര​ണ​ഘ​ട​ന നി​ല​വി​ല്‍വ​ന്നു. ഭ​ര​ണ​ഘ​ട​ന​യാ​ണ് പ​ര​മോ​ന്ന​ത നി​യ​മം. ജ​നാ​ധി​പ​ത്യ​മാ​ണ് ആ​ണി​ക്ക​ല്ല്. അ​ഭി​പ്രാ​യ സ്വാ​ത​ന്ത്ര്യ​മാ​ണ് ജീ​വ​വാ​യു. മാ​ന​വ​രാ​ശി​ക്ക് പു​തി​യൊ​രു ദ​ര്‍​ശ​നം കി​ട്ടി. ‘ഞ​ങ്ങ​ള്‍ ദൈ​വ​ത്തി​ല്‍ വി​ശ്വ​സി​ക്കു​ന്നു’ എ​ന്നാ​ണ് അ​മേ​രി​ക്ക​യു​ടെ മു​ദ്രാ​വാ​ക്യം. ‘പ​ല​തി​ല്‍​നി​ന്ന് ഒ​ന്ന്’ എ​ന്ന​താ​ണ് ദേ​ശീ​യ ആ​പ്ത​വാ​ക്യം. തു​ട​ര്‍​ന്ന് പു​തി​യ സം​സ്ഥാ​ന​ങ്ങ​ള്‍ ചേ​ര്‍​ക്ക​പ്പെ​ട്ടു. നി​ല​വി​ല്‍ 50 സം​സ്ഥാ​ന​ങ്ങ​ള്‍. ദേ​ശീ​യ​പ​താ​ക​യി​ല്‍ നീ​ല പ​ശ്ചാ​ത്ത​ല​ത്തി​ലു​ള്ള 50 ന​ക്ഷ​ത്ര​ങ്ങ​ള്‍ 50 സം​സ്ഥാ​ന​ങ്ങ​ളെ​യും ചു​വ​പ്പി​ലും വെ​ള്ള​യി​ലു​മു​ള്ള 13 വ​ര​ക​ള്‍ ആ​ദ്യം സ്വാ​ത​ന്ത്ര്യം നേ​ടി​യ ആ​ദ്യ​ത്തെ 13 കോ​ള​നി​ക​ളെ​യും പ്ര​തി​നി​ധീ​ക​രി​ക്കു​ന്നു.

അമേരിക്കൻ ഇന്ത്യൻസ്

യ​ഥാ​ര്‍​ഥ​ത്തി​ല്‍ കൊ​ളം​ബ​സ് അ​മേ​രി​ക്ക ക​ണ്ടു​പി​ടി​ച്ചി​ട്ടി​ല്ല. ആ​യി​ര​ക്ക​ണ​ക്കി​ന് വ​ര്‍​ഷ​ങ്ങ​ളാ​യി നൂ​റു​ക​ണ​ക്കി​ന് ത​ദ്ദേ​ശീ​യ ഗോ​ത്ര​വി​ഭാ​ഗ​ങ്ങ​ള്‍ സ്വ​ന്തം ഭാ​ഷ​യും സം​സ്‌​കാ​ര​വും ഭ​ര​ണ​ക്ര​മ​വും സാ​മ്പ​ത്തി​ക വ്യ​വ​സ്ഥ​യും വി​ക​സി​പ്പി​ച്ച് ജീ​വി​ച്ചി​രു​ന്ന ഭൂ​പ്ര​ദേ​ശ​മാ​യി​രു​ന്നു അ​ത്. എ​ന്നാ​ല്‍ യൂ​റോ​പ്യ​ന്‍ ശ​ക്തി​ക​ള്‍ ആ ​ഭൂ​മി​യെ ‘പു​തി​യ ലോ​കം’ എ​ന്ന് വി​ശേ​ഷി​പ്പി​ച്ചു. അ​വി​ടെ ജീ​വി​ച്ചി​രു​ന്ന ജ​ന​ത​യ്ക്ക് അ​ത് അ​വ​രു​ടെ പ​ര​മ്പ​രാ​ഗ​ത നാ​ടാ​യി​രു​ന്നു. കൊ​ളം​ബ​സ് ത​ദ്ദേ​ശീ​യ​രെ ‘ഇ​ന്ത്യ​ന്‍​സ്’ എ​ന്നു വി​ളി​ച്ച​തി​നെ തു​ട​ര്‍​ന്ന് ‘അ​മേ​രി​ക്ക​ന്‍ ഇ​ന്ത്യ​ന്‍​സ്’ എ​ന്നാ​ണ​വ​ര്‍ അ​റി​യ​പ്പെ​ട്ട​ത്. പ​ത്തു​ല​ക്ഷ​ത്തോ​ളം വ​രു​ന്ന ത​ദ്ദേ​ശ​വാ​സി​ക​ള്‍ ഇ​പ്പോ​ഴും ത​ന​ത് സം​സ്‌​കാ​രം കാ​ത്തു​സൂ​ക്ഷി​ക്കു​ന്നു. കു​ടി​യേ​റ്റ​ക്കാ​രു​ടെ പ​ള​പ​ള​പ്പി​ല്‍ അ​വ​ര്‍ മു​ങ്ങി​പ്പോ​യി എ​ന്ന​ത് ച​രി​ത്ര വ​സ്തു​ത. മ​റ്റു​ള്ള​വ​രു​ടെ ഒ​പ്പ​മെ​ത്തി​ക്കാ​ന്‍ കാ​സി​നോ​ക​ള്‍, ടൂ​റി​സ്റ്റ് കേ​ന്ദ്ര​ങ്ങ​ള്‍ തു​ട​ങ്ങി​യ​വ ആ​രം​ഭി​ക്കാ​ന്‍ ‘അ​മേ​രി​ക്ക​ന്‍ ഇ​ന്ത്യ​ക്കാ​ര്‍​ക്ക്’ ന​ല്ല പ്രോ​ത്സാ​ഹ​നം ന​ല്കു​ന്നു​ണ്ട്.

ഇരുണ്ടമുഖം

കോ​ള​നി​വ​ത്ക​ര​ണ​ത്തി​ന് ഇ​രു​ണ്ട മു​ഖ​വു​മു​ണ്ടാ​യി​രു​ന്നു. ത​ദ്ദേ​ശീ​യ ജ​ന​ത​യു​ടെ ഭൂ​മി​ക​ള്‍ കൈ​യേ​റി. അ​വ​രെ അ​ടി​ച്ച​മ​ര്‍​ത്തി. യൂ​റോ​പ്പി​ല്‍​നി​ന്നെ​ത്തി​യ രോ​ഗ​ങ്ങ​ള്‍ ല​ക്ഷ​ക്ക​ണ​ക്കി​ന് ആ​ളു​ക​ളു​ടെ ജീ​വ​ന്‍ അ​പ​ഹ​രി​ച്ചു. ആ​ഫ്രി​ക്ക​യി​ല്‍​നി​ന്ന് അ​ടി​മ​ക​ളെ കൊ​ണ്ടു​വ​ന്ന് കൃ​ഷി​യി​ട​ങ്ങ​ളി​ല്‍ നി​ര്‍​ബ​ന്ധി​ത തൊ​ഴി​ലാ​ളി​ക​ളാ​ക്കി. അ​ടി​മ​ത്ത​ത്തെ​ച്ചൊ​ല്ലി​യു​ള്ള ത​ര്‍​ക്കം ഏ​ഴ​ര​ല​ക്ഷ​ത്തോ​ളം പേ​ര്‍ കൊ​ല്ല​പ്പെ​ട്ട ആ​ഭ്യ​ന്ത​ര​ക​ലാ​പ​ത്തി​ലെ​ത്തി. സ്വാ​ത​ന്ത്ര്യം നേ​ടി 87 വ​ര്‍​ഷം ക​ഴി​ഞ്ഞ് 1863ല്‍ ​അ​മേ​രി​ക്ക​ന്‍ പ്ര​സി​ഡ​ന്‍റ് ഏ​ബ്ര​ഹാം ലി​ങ്ക​ണ്‍ അ​ടി​മ​ക​ളെ സ്വ​ത​ന്ത്ര​രാ​യി പ്ര​ഖ്യാ​പി​ച്ചു. അ​ടി​മ​ത്തം നി​യ​മ​പ​ര​മാ​യി അ​വ​സാ​നി​പ്പി​ച്ചെ​ങ്കി​ലും വം​ശീ​യ വി​വേ​ച​നം തു​ട​ര്‍​ന്നു. ആ​ധു​നി​ക​കാ​ല​ത്തും മാ​ര്‍​ട്ടി​ന്‍ ലൂ​ത​ര്‍ കിം​ഗി​നെ​പ്പോ​ലു​ള്ള നേ​താ​ക്ക​ള്‍ പൗ​രാ​വ​കാ​ശ​ങ്ങ​ള്‍​ക്കു​വേ​ണ്ടി സു​ദീ​ര്‍​ഘ​മാ​യ പോ​രാ​ട്ടം ന​ട​ത്തി. 2008ല്‍ ​ആ​ദ്യ ആ​ഫ്രി​ക്ക​ന്‍-​അ​മേ​രി​ക്ക​ന്‍ വം​ശ​ജ​നാ​യ പ്ര​സി​ഡ​ന്‍റാ​യി ബ​റാ​ക്ക് ഒ​ബാ​മ തെ​ര​ഞ്ഞെ​ടു​ക്ക​പ്പെ​ട്ടു. എ​ന്നാ​ലും വം​ശീ​യ വി​ഷ​യ​ങ്ങ​ള്‍ ഇ​ടയ്​ക്കി​ടെ ത​ല​പൊ​ക്കി അ​മേ​രി​ക്ക​യെ അ​സ്വ​സ്ഥ​മാ​ക്കു​ന്നു​ണ്ട്.

സൂ​പ്പ​ര്‍ പ​വ​റി​ലേ​ക്ക്

ഇം​ഗ്ല​ണ്ടി​നു പി​ന്നാ​ലെ ലോ​ക​മെ​മ്പാ​ടും​നി​ന്നു​ള്ള കു​ടി​യേ​റ്റ​മാ​ണ് ഇ​ന്ന​ത്തെ അ​മേ​രി​ക്ക​യെ രൂ​പ​പ്പെ​ടു​ത്തി​യ​ത്. ബു​ദ്ധി​യും ക​ഴി​വും വൈ​ദ​ഗ്ധ്യ​വും ഉ​ണ്ടെ​ങ്കി​ല്‍ അ​മേ​രി​ക്ക അ​വ​സ​ര​ങ്ങ​ളു​ടെ നാ​ടാ​ണ്. ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ല്‍​നി​ന്നു​ള്ള പ്ര​തി​ഭ​ക​ളെ സ്വീ​ക​രി​ക്കു​ക​യും അ​വ​സ​ര​ങ്ങ​ള്‍ സൃ​ഷ്ടി​ക്കു​ക​യും ചെ​യ്തു. 1800ക​ളു​ടെ അ​വ​സാ​നം അ​മേ​രി​ക്ക ലോ​ക​ത്തി​ലെ ഏ​റ്റ​വും വ​ലി​യ വ്യ​വ​സാ​യ രാ​ഷ്‌​ട്ര​മാ​യി. റെ​യി​ല്‍​വേ, സ്റ്റീ​ല്‍, എ​ണ്ണ, വാ​ഹ​ന​നി​ര്‍​മാ​ണം എ​ന്നി​വ​യി​ല്‍ വ​ന്‍​ വ​ള​ര്‍​ച്ച. 1929ല്‍ ​ഉ​ണ്ടാ​യ മ​ഹാ​മാ​ന്ദ്യ​ത്തെ അ​ടി​സ്ഥാ​ന സൗ​ക​ര്യ വി​ക​സ​ന​ത്തി​ലൂ​ടെ അ​മേ​രി​ക്ക അ​തി​ജീ​വി​ച്ചു. യൂ​റോ​പ്പി​ന്‍റെ പു​ന​ര്‍​നി​ര്‍​മാ​ണം മാ​ര്‍​ഷ​ല്‍ പ​ദ്ധ​തി​യി​ലൂ​ടെ സാ​ധ്യ​മാ​ക്കി.

ലോ​ക​ത്തി​ലെ ഏ​റ്റ​വും വ​ലി​യ സ​മ്പ​ദ്ഘ​ട​ന അ​മേ​രി​ക്ക​യു​ടെ​താ​ണ്. ഡോ​ള​ര്‍ ലോ​ക​ത്തി​ലെ പ്ര​ധാ​ന ക​രു​ത​ല്‍ നാ​ണ​യ​മാ​യി. നാ​സ​യു​ടെ നേ​തൃ​ത്വ​ത്തി​ല്‍ മ​നു​ഷ്യ​ന്‍ ച​ന്ദ്ര​നി​ലെ​ത്തി. ചൊ​വ്വ​യി​ലേ​ക്കു പോ​കാ​ന്‍ അ​വ​ര്‍ ത​യാ​റെ​ടു​ക്കു​ന്നു. ലോ​ക​ത്തി​ലെ ഏ​റ്റ​വും ശ​ക്ത​മാ​യ സൈ​ന്യ​വും അ​മേ​രി​ക്ക​യു​ടേ​താ​ണ്. നൂ​റു​ക​ണ​ക്കി​ന് വി​ദേ​ശ സൈ​നി​ക താ​വ​ള​ങ്ങ​ളു​ണ്ട്. ആ​ഗോ​ള​സ​ഖ്യ​ങ്ങ​ള്‍ അ​മേ​രി​ക്ക​യെ വ​ന്‍​ശ​ക്തി​യാ​ക്കു​ന്നു.
വിജയം മാത്രമല്ല

അ​മേ​രി​ക്ക​യു​ടെ ച​രി​ത്രം വി​ജ​യ​ങ്ങ​ളു​ടെ മാ​ത്രം ക​ഥ​യ​ല്ല. 1861-65 കാ​ല​യ​ള​വി​ല്‍ ഏ​ഴ​ര​ല​ക്ഷ​ത്തോ​ളം പേ​ര്‍ കൊ​ല്ല​പ്പെ​ട്ട ആ​ഭ്യ​ന്ത​ര യു​ദ്ധം, 1929-39ലെ ​ക​ടു​ത്ത സാ​മ്പ​ത്തി​ക മാ​ന്ദ്യം, ക്യൂ​ബ​ന്‍ മി​സൈ​ല്‍ പ്ര​തി​സ​ന്ധി, 2001 സെ​പ്റ്റം​ബ​ര്‍ 11ലെ ​ഭീ​ക​രാ​ക്ര​മ​ണം, കോ​വി​ഡ് 19 തു​ട​ങ്ങി​യ കൂറ്റ​ന്‍ വെ​ല്ലു​വി​ളി​ക​ളെ അ​മേ​രി​ക്ക അ​തി​ജീ​വി​ച്ചു. ര​ണ്ടു ലോ​ക​മ​ഹാ​യു​ദ്ധ​ങ്ങ​ള്‍, റ​ഷ്യ​യു​മാ​യി പ​തി​റ്റാ​ണ്ട് നീ​ണ്ട ശീ​ത​സ​മ​രം, കൊ​റി​യ​ന്‍ യു​ദ്ധം, വി​യ​റ്റ്‌​നാം യു​ദ്ധം, ഗ​ള്‍​ഫ് യു​ദ്ധം, അ​ഫ്ഗാ​ന്‍ യു​ദ്ധം, ഇ​റാ​ക്ക് യു​ദ്ധം ഏ​റ്റ​വു​മൊ​ടു​വി​ല്‍ ഇ​റാ​ന്‍ യു​ദ്ധം തു​ട​ങ്ങി നി​ര​ന്ത​രം യു​ദ്ധ​ത്തി​ല്‍ മു​ഴു​കി​യ രാ​ജ്യം കൂ​ടി​യാ​ണ് അ​മേ​രി​ക്ക. അ​മേ​രി​ക്ക​ന്‍ യു​വ​ജ​ന​ങ്ങ​ളെ കു​രു​തി​കൊ​ടു​ക്കു​ന്ന ഭ​ര​ണാ​ധി​കാ​രി​ക​ളു​ടെ യു​ദ്ധ​ക്കൊ​തി​ക്കെ​തി​രേ ജ​ന​രോ​ഷം രൂ​ക്ഷ​മാ​ണ്. ഇ​ന്ന് അ​മേ​രി​ക്ക നേ​രി​ടു​ന്ന ഏ​റ്റ​വും വ​ലി​യ വെ​ല്ലു​വി​ളി ആ​ഭ്യ​ന്ത​ര ധ്രു​വീ​ക​ര​ണ​മാ​ണ്. റി​പ്പ​ബ്ലി​ക്ക​ന്‍-​ഡെ​മോ​ക്രാ​റ്റ് എ​ന്ന ആ​ശ​യ​പ​ര​മാ​യ രാ​ഷ്‌​ട്രീ​യ അ​ഭി​പ്രാ​യ​വ്യ​ത്യാ​സ​ങ്ങ​ളി​ല്‍​നി​ന്ന് അ​ത് സാ​മൂ​ഹി​ക വി​ഭ​ജ​ന​ത്തി​ലേ​ക്കു വ​ള​ര്‍​ന്നി​രി​ക്കു​ന്നു.

ആ​ധു​നി​ക അ​മേ​രി​ക്ക

ആ​ന​യാ​ണ് പ്ര​സി​ഡ​ന്‍റ് ഡോ​ണ​ള്‍​ഡ് ട്രം​പി​ന്‍റെ റി​പ്പ​ബ്ലി​ക്ക​ന്‍ പാ​ര്‍​ട്ടി​യു​ടെ ചി​ഹ്നം. 250 വ​ര്‍​ഷ​ത്തെ പ്രോ​ജ്വ​ല​ച​രി​ത്ര​മു​ള്ള അ​മേ​രി​ക്ക ഇ​ന്ന് ആ​ന ക​രി​മ്പി​ന്‍കാ​ട്ടി​ല്‍ ക​യ​റി​യ​തു​പോ​ലെ​യു​ള്ള അ​വ​സ്ഥ​യി​ലാ​ണ്. അ​മേ​രി​ക്ക ഭ​രി​ച്ച 47 പ്ര​സി​ഡ​ന്‍റു​മാ​രി​ല്‍ ഏ​റ്റ​വും കു​പ്ര​സി​ദ്ധി നേ​ടി​യ​വ​രി​ല്‍ അ​ഞ്ചാം സ്ഥാ​ന​ത്താ​ണ് ട്രം​പ്. 2024ല്‍ 538 ​പേ​രു​ള്ള ഇ​ല​ക്‌​ടറ​ല്‍ കോ​ള​ജി​ല്‍ 226നെ​തി​രേ 312 വോ​ട്ടി​ന് ട്രം​പ് ത​ക​ര്‍​പ്പ​ന്‍ വി​ജ​യം നേ​ടി​യി​ട​ത്തു​നി​ന്നാ​ണ് ഈ ​പ​ത​നം. കേ​ര​ള​ത്തി​ല്‍പോ​ലും അ​ന്ന് ട്രം​പ് അ​ച്ചാ​യ​ന് ഫ്‌​ളെ​ക്‌​സ് ബോ​ര്‍​ഡു​ക​ള്‍ ഉ​യ​ര്‍​ന്നി​രു​ന്നു.

അ​മേ​രി​ക്ക​യി​ലെ പ്ര​ശ​സ്ത​മാ​യ പ്യൂ ​റി​സ​ര്‍​ച്ച് സെ​ന്‍റ​ര്‍, ക​ഴി​ഞ്ഞ മാ​സം ന​ട​ത്തി​യ സ​ര്‍​വേ പ്ര​കാ​രം രാ​ജ്യ​ത്തെ 69 % പേ​ര്‍ അ​സം​തൃ​പ്ത​രാ​ണ്. 29 % പേ​ര്‍ മാ​ത്ര​മാ​ണ് തൃ​പ്ത​ര്‍. പ്ര​സി​ഡ​ന്‍റാ​യി തെ​ര​ഞ്ഞെ​ടു​ക്ക​പ്പെ​ട്ട​പ്പോ​ള്‍ 45-50 % ആ​യി​രു​ന്നു ട്രം​പി​ന്‍റെ ജ​ന​പ്രീ​തി. ക​ടു​ത്ത രാ​ഷ്‌​ട്രീ​യ​ധ്രു​വീ​ക​ര​ണം, സാ​മ്പ​ത്തി​ക ത​ക​ര്‍​ച്ച​യും അ​സ​മ​ത്വ​വും പ​ണ​പ്പെ​രു​പ്പ​വും, കു​തി​ച്ചു​യ​ര്‍​ന്ന ആ​രോ​ഗ്യ​സം​ര​ക്ഷ​ണ ചെ​ല​വു​ക​ള്‍, യു​ദ്ധ​രം​ഗ​ത്തെ പ​രാ​ജ​യ​ങ്ങ​ള്‍, വി​ദേ​ശ​രാ​ജ്യ​ങ്ങ​ളു​ടെ ഇ​ട​യി​ലെ ഒ​റ്റ​പ്പെ​ട​ല്‍ തു​ട​ങ്ങി​യ ക​ടു​ത്ത പ്ര​തി​സ​ന്ധികൾ രാജ്യം നേ​രി​ടു​ന്നു. കു​ടി​യേ​റ്റ​ക്കാ​രു​ടെ രാ​ജ്യം ഇ​ന്ന് കു​ടി​യേ​റ്റ​ത്തി​നെ​തി​രാ​ണ്.